SILVANECTUM seu AUGUSTOMAGUS SILVANECTUM

SILVANECTUM seu AUGUSTOMAGUS SILVANECTUM
urbs Galliae Belgicae nunc Insul. Franciae; Senlis, in Valesiae Ducatu inter Belgicae, secundae urbes octavô olim locô numerata, item decimô postea, post Morinos nempe et Ambianos, ad amnem
Nonnette, seu Nonnitidam, a puritate aquarum, qui urbis monti impositae ad Meridiem fossas implens, in Isaram effluit, 10. leuc. a Lutetia in Boream 8. a Compendio in Africum 9. a Bellovaco in Eurum. Fuêre autem Silvanectes, Plinio l. 4. c. 17. Ulbanectes, olim populi liberi, i. e. immunes beneficiô Imperatorum, qui quamvis silvis undique cingantur et annectantur, et caput Silvanectum inter duas silvas emineat, totusque pagus Silvanectensis silvas et montes seu saltus habeat : tamen gentis nomen Gallicum potius, quam Latinum Valesio videtur, qui quoque pagum hunc olim a Gallis Servois mutilatô nomine dictum putat, occasione vici la Chape en Servois, alia la Chapelle, 3. circiter leucis ab urbe Silvanectis dissiti, Notit. Gall.

Hofmann J. Lexicon universale. 1698.

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.